لەبارەی خانەنشینانی سلێمانی یەوە، وەزیری دارایی هەرێم چەند بڕیارێکی دەرکرد.
وەزیری دارایی حکومەتی ( ماوە بەسەرچووی هەرێم ) لە میانەی سەردانێکی دوو رۆژەدا بۆ بانک و یەکە داراییەکان ی سڵێمانی ژمارەیەک بڕیاری دەرکرد.
لە چوارچێوەی ئەو بڕیارانەدا بۆ سلێمانی، ئاوات شێخ جەناب بڕیاریداوە بینای بەڕێوەبەرایەتیی خانەنشینی سلێمانی بە تەواوی تەرخانبکرێت بۆ خانەنشینیی و کاربکرێت بۆ کارئاسانی مامەڵە و سەردانی خانەنشینان بۆ بەڕێوەبەرایەتییەکە.
هەروەها، بڕیاریداوە هەریەک لە بانکی باخان و بانکی کوردسات تێکەڵبکرێن و لە چوارچێوەی یەک بانکدا ئیشوکارەکانیان رێکبخرێتەوە.
ئەمە جگە لەوەی بڕیار دراوە، سەرجەم دۆسییەی خانەنشینان بە دیجیتاڵی بکرێت و شێوازی نوێ لە ئەرشیفکردنی دۆسیە و دیکۆمێنتەکان کارا بکرێت.