وەزارەتی پەیوەندییەكانی عێراق رایدەگەیەنێت، بە بڕیاری وەزیری پەیوەندییەكان لە ماوەیەكی نزیكدا چەند بڕیارێك بۆ پەرەپێدانی خزمەتگوزاری ئینتەرنێت و كەمكردنەوەی نرخەكەی دەدرێت.
وەزارەتی پەیوەندییەكانی عێڕاق لە راگەیەندراوێكدا رایگەیاندووە، هەیام یاسری وەزیری پەیوەندییەكان لەگەڵ كۆمپانیا گشتییەكانی زانیاری و پەیوەندییەكانی عێراق كۆبوونەوەیەكی بەرفراوانیان ئەنجامداوە و لە بارەی خزمەتگوزاری ئینتەرنێت و رێكارەكانی گەشەپێدان و كەمكردنەوەی نرخی بۆ هاوڵاتیان گفتوگۆ كرا.
راگەیەنراوەكە ئاماژەی بەوەكردووە، وەزارەت لە ماوەیەكی نزیكدا چەند بڕیارێك دەدات بۆ جێبەجێكردنی پەرەپێدانی كەرت و خزمەتگوزارییەكانی ئینتەرنێت و كەمكردنەوەی نرخەكەی.