سهرۆكی یهكێتی نیشتمانی كوردستان له دهباشان لە ماڵی تاڵەبانی بە ئامادەبوونی جێگری سەرۆکی حکومەت، لهگهڵ هێزه ئهمنییهكانی حکومەتی هەرێم لە سنوری پارێزگای سلێمانی كۆبوهوه و وەک راگەیەندراوە" بافڵ تاڵەبانی داوای لێكردوون وەک هەمیشە ئامادەبن بۆ هەر ئەگەر و پێشهاتێک کە سەقامگیریی هەرێم تێکبدات و ژیانی خەڵکەکەی بخاتە مەترسییەوە".
به گوێرهی راگهیهندراوی نووسینگهكهی سەرۆکی یەکێتی بافڵ تاڵەبانی " ئهمڕۆ دووشهممه ٩ی كانوونی دووهمی ٢٠٢٣، بافڵ تاڵەبانی، سەرۆکی یەکێتیی نیشتمانیی کوردستان لە دەباشان لەگەڵ سەرۆکی ئاژانسی پاراستن و زانیاری/ زانیاری، بەڕێوەبەری بەڕێوەبەرایەتی ئاسایشی پارێزگای سلێمانی، بەڕێوەبەری گشتی دژەتیرۆر، جێگری فەرماندەی فەرماندەیی هێزەکانی کۆماندۆی کوردستان و لێپرسراوی هێزەکانی ئۆپراسیۆنی دەزگای ئاسایشی هەرێمی کوردستان کۆبووەوە".
هەروەها لەو راگەیاندنەدا هاتووە، " داوایکردووە وەک هەمیشە ئامادەبن بۆ هەر ئەگەر و پێشهاتێک کە سەقامگیریی هەرێم تێکبدات و ژیانی خەڵکەکەی بخاتە مەترسییەوە". ( بەبێ ئاماژەکردن بۆ ئەو مەترسیانە ).
ئاماژەش بۆ ئەوە کراوە کە بافڵ تاڵهبانی، باسی سەروەری یاسا و جێبەجێکردنی بڕیارەکانی دادگای کرد و وتوویەتی: سەقامگیریی خاک و خەڵکەکەمان لەسەروو هەمووشتێکەوەیە و رێگە بە هیچ کەسێک نادەین یاساشکێنی بکات، داواتان لێدەکەم بەهەمووشێوەیەک رووبەڕووی ئەوانە ببنەوە کە ئارامی و ئاسایشی خەڵک تێکدەدەن و سنوورەکانی یاسا دەبەزێنن".