بافڵ تاڵەبانی، سەرۆكی یەكێتی نیشتمانی كوردستان بۆ كۆچی دوایی فاتیمە قادر، دایكی لاهور شێخ جەنگی پەیامێكی بڵاوكردەوە و بەهەمنشێوەی قوباد تاڵەبانی، ناوی لاهور شێخ جەنگی نەهێنا.
دەقی پەیامی بافڵ تاڵەبانی..
كۆچی دوایی خاتوو (فاتیمە قادر مەحمود)، ژنە دڵسۆز و شۆڕشگێڕەكەی رێگای خەبات لە دڵەوە نیگەرانی كردین.
خاتوو فاتیمە مێژوویەكی درەوشاوەی لە رۆژگاری سەختی خەباتدا تۆماركرد و سەرباری هەموو نەهامەتییەكان، لە رێگا پیرۆزەكەی كوردایەتی لاینەدا و نموونەی ژنی قارەمان و تێكۆشەری كوردستان بوو.
لە خوای گەورە داواكارم دایكە فاتیمە بە بەهەشتی بەرین شاد بكات و سەبووری و ئارامی بەهەموولایەك ببەخشێت.