بڕیارە هەفتەی داهاتوو دەست بە دابەشكردنی مووچەی مانگی ئازار بكرێت و بۆ ئەو مەبەستەش بڕی پارەی پێویست ئامادەیە.
سەرچاوەیەك لە وەزارەتی دارایی و ئابووریی حكومەتی هەرێمی كوردستان بە (رووداو)ی راگەیاندووە، هیچ كێشەیەك بۆ دابەشكردنی مووچە نییە و دوای تەواوبوونی دابەشكردنی مووچەی مانگی شوبات، راستەوخۆ دەست بە دابەشكردنی مووچەی مانگی ئازار دەكرێت.
ئەو سەرچاوەیە ئاماژەی بەوەكردووە، دوای ئامادەكردنی خشتەی مووچە، لە هەفتەی داهاتوووەوە دەست بە دابەشكردنی مووچەی مانگی ئازار دەكرێت.
بەپێی خشتەی دابەشكردنی مووچەی مانگی شوبات، ئەمڕۆ كۆتایی بە دابەشكردنی مووچەی مانگی رابردوو هاتووە.