نێچیرڤان بارزانی، سەرۆكی هەرێمی كوردستان (ماوە درێژكراوە) رایدەگەیەنێت، دیاریكردنی رۆژی هەڵبژاردنی هەبژاردنی پەرلەمانی كوردستان بەڕاوێژ بووە لەگەڵ لایەنەكان و هیواداریشن لە كاتی خۆیدا بكرێت.
نێچیرڤان بارزانی، سەرۆكی هەرێمی كوردستان (ماوە درێژكراوە) دوای بەشدارییكردنی لە پرسەی شێخەڵڵا ئیبراهیم، ئەندامی خولی دووەمی پەرلەمانی كوردستان رایگەیاند، دیاریكردنی رۆژی هەڵبژاردن بە كۆدەنگی و راوێژ بووە لەگەڵ لایەنەكان و ئاماژەی بەوەكرد، رۆژی 18-11-2023ی بۆ ئەنجامدانی هەڵبژاردنی كوردستان دیاریكراوە و هیوادارن هەڵبژاردن لە كاتی خۆیدا بكرێت و كاتی پێویستیش ماوە.
سەبارەت بە گەڕانەوەی تیمی یەكێتی بۆ نێو كۆبوونەوەكانی ئەنجومەنی وەزیران، نێچیرڤان بارزانی روونیكردەوە، كێشە نێوخۆییەكان قابیلی چارەسەركردنن و وتویەتی "من خۆم داوام كردووە و سەرۆك وەزیرانیش داوای كردووە، پێمانوایە گەڕانەوەی تیمی یەكێتی بۆ كۆبوونەوەكان زۆر پێویستە، كێشە هەیە، بەڵام دەتوانین كێشەكان بە گفتوگۆ لەنێو حكومەت چارەسەر بكەین."