وڵاتی ئوسترالیا بەفەرمی رۆژی شەممەی وەك یەكەم رۆژی جەژنی رەمەزان دیاریكرد.
ئەنجومەنی فەتوای ئوسترالیا بەپشتبەستن بە ژمێرەی گەردوونی و نەبینینی مانگ بە چاو، رۆژی شەممەی داهاتووی وەك یەكەم رۆژی جەژنی رەمەزان دیاریكرد.
لە راگەیەنراوەكەدا ئاماژە بەوەدراوە، رۆژی هەینی كۆتا رۆژی مانگی رەمەزانە و رۆژی شەممە بەرواری ٢٢ی نیسانی ٢٠٢٣ یەكەم رۆژی جەژنی رەمەزانە كە دەكاتە یەكی مانگی شەوالی ١٤٤٤ی كۆچی.
هێشتا وڵاتانی دیكەی عەرەبی و ئیسلامی یەكەم رۆژی جەژنیان دیاری نەكرووە، بەڵام پێشتر عەلی سیستانی مەرجەعی شیعەكانی عێراق رایگەیاند، رەنگە رۆژی شەممە یەكەم رۆژی جەژنی رەمەزان بێت.