کۆمیسیۆنی هەڵبژاردنەکانی عێراق وەڵامی سەرۆکایەتی هەرێم دەداتەوە و دەڵێت، "ئامادەین سەرپەرشتیی هەڵبژادنی پەرلەمانی کوردستان بکەین".
جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق لەبارەی نووسراوەکەی سەرۆکایەتی هەرێمی کوردستان کە داوایکردبوو، کۆمیسیۆنەکە رۆژی ١٨-١١ یان ١٨-١٢ سەرپەرشتیی هەڵبژاردنی پەرلەمانی کوردستان بکات، بە میدیاکانی پارتی راگەیاند: "کۆمیسیۆنی هەڵبژاردنەکان چەندین جار دووپاتیکردووەتەوە ئامادەیە سەرپەرشتیی هەڵبژادنی پەرلەمانی کوردستان بکات".
هەر سەبارەت بە داواکارییەکە وتیشی، "جەخت لەوە دەکەینەوە، ناتوانین هەردوو هەڵبژاردنی ئەنجوومەنی پارێزگاکانی عێراق و پەرلەمانی کوردستان لە یەک کاتدا بەڕێوەببەین و لانیکەیم پێویستیمان بە شەش تا حەوت مانگ هەیە بۆ ئەوەی ئامادەکاری بۆ هەڵبژاردنی پەرلەمانی کوردستان بکەین".