مەكتەبی سیاسی یەكێتی نیشتمانی كوردستان رایدەگەیەنێت "بۆیە پاراستنی قەوارەی ھەرێم و دەستكەوتەكان پێویستی زۆری بە ھەماھەنگی و لە خۆبردویی نەتەوەیی و گەشانەوەی شەراكەتە".
مەكتەبی سیاسیی یەكێتی لە پەیامێكدا بۆ مەكتەبی سیاسی پارتی رایگەیاندوە "لە ساڵیادی دامەزراندنی پارتی دیموكراتی كوردستان، پیرۆزبایی گەرم ئاراستەی ئێوە و لایەنگرانتان دەكەین، بەو ھیوایەی ئەم یادە دەرفەتێك بێت بۆ گەشەپێدانی پەیوەندییەكانی نێوانی ھێز و لایەنە سیاسییەكان لەم ھەلومەرجەدا كە پێویستی بە رێكخستنەوەی ئەولەویاتەكانی خەبات ھەیە بە قازانجی چاككردنی ژیان و گوزەرانی میللەتەكەمان".
راگەیەنراوەكە ئاماژەی بەوەكردوە "كوردستان و ئەزمونەكەی بەرھەمی خوێنی گەشی ھەزاران شەھید و قوربانیە، بۆیە پاراستنی قەوارەی ھەرێم و دەستكەوتەكان پێویستی زۆری بە ھەماھەنگی و لە خۆبردویی نەتەوەیی و گەشانەوەی شەراكەتە".
سبەینێ ساڵیادی دامەزراندنی پارتییە و پێشتریش مەكتەبی سیاسی پارتی لە راگەیەنراوێكدا رایگەیاند "پێویستمان بە هەماهەنگی زیاترە بۆ رووبەڕووبوونەوەی هەوڵی لاوازكردنی قەوارەی هەرێمی كوردستان".