بڕیارە پاشنیوەڕۆی ئەمڕۆ شەممە مەكتەبی سیاسی یەكێتی نیشتمانی كوردستان، بۆ تاوتوێكردنی چەند پرسێكی ناوخۆیی حزبەكە و دۆخی هەرێمی كوردستان كۆببێتەوە.
میدیای فەرمی یەكێتی بڵاویكردەوە، بڕیارە پاشنیوەڕۆی ئەمڕۆ مەكتەبی سیاسی یەكێتی نیشتمانی كوردستان كۆبوونەوەی ئاسایی خۆی ببەستێت و تیایدا دواپێشهاتەكانی پێنجەمین كۆنگرەی یەكێتی و سەردانەكانی سەرۆكی یەكێتی بۆ تاران و بەغدا، گفتوگۆی لەسەر بكرێت.
هەر بەپێی هەواڵەكە لەكۆبوونەوەكەدا بارودۆخی هەرێم و گوزەرانی مووچەخۆران و هاوڵاتیان، تەوەرێكی دیكەی كۆبوونەوەكەی مەكتەبی سیاسی یەكێتی دەبێت.
بڕیارە رۆژی 27ی ئەم مانگە كۆنگرەی پێنجەمی یەكێتی نیشتمانی كوردستان لە شاری سلێمانی ئەنجام بدرێت.