دواینیوەڕۆی ئەمڕۆ هەینی ٦ی تشرینی یەکەمی ٢٠٢٣ لە ئیدارەی ڕاپەڕین ئاگر لە ماڵێک کەوتەوە و کەسێک گیانی لەدەستدا.
بەپێی زانیارییەکانی ماڵپەڕی (سپی)، دواینیوەڕۆی ئەمڕۆ بەھۆی گڕگرتنی محاویلەیەکی کارەبا لە گەڕەکی کۆڵێن سیتی لە ناحیەی چوارقوڕنە ماڵێک سووتا و کەسێک گیانی لەدەستدا.
دوای ڕووداوەکە تیمەکانی بەرگری شارستانی ئیدارەی ڕاپەڕین و هێزە ئەمنییەکان گەیشتوونەتە شوێنی ڕووداوەکە، بۆ ئەوەی ئاگرەکە زوو کۆنترۆڵ بکەن.
بەهۆی ڕووداوەکەوە زیانێکی زۆری ماددی بەر ماڵەکە کەوتووە و ماڵەکە و محاویلی کارەباکەش بە تەواوی سووتاوە.
قوربانییەکە تەمەنی (٥١) ساڵە کە خاوەنی ماڵەکەیە و لە ئێستاشدا تەرمەکەی ڕەوانەی پزیشکی ڕانیە کراوە.