سەرۆکی حکومەتی (ماوە بۆدرێژکراوەی) هەرێم ڕایدەگەیەنێت" لە دەرەوەی هەرێمی کوردستان خواستێکی زۆر بۆ بەرهەمە ناوخۆییەکان هەیە، ئەوەی ماوەتەوە بەشێوەیەکی رێکوپێک بەرگی بۆ دروست بکرێت و پاکێجینگی بۆ بکرێت".
مەسرور بارزانی سەرۆکی حکومەتی هەرێمی کوردستان (ماوە بۆدرێکراوە)، بەیانی ئەمڕۆ سێشەممە لە کاتی کردنەوەی کارگەی پاکەت و کارتۆنی پاکێجینگی فابیابی ڕایگەیاند" کەرتی پیشەسازی لە هەرێم گەشە دەکات، هەروەها پاڵپشت و هاندەر دەبێت بۆ کەرتی کشتوکاڵ، بەو پێیەی توانیمان لە ماوەیەکی کورتدا بەرهەمی جوتیاران و بەرهەمە ناوخۆییەکانی هەرێم بۆ دەرەوەی وڵات هەناردە بکەین".
بارزانی وتیشی" ئەم جۆرە کارگانە زۆر پشتگیری دەکەن لە پرۆسەی بە بازاڕکردن و بانگەشەکردندا، هەروەها بۆ ئەو شتانەی کە مارکەی بەرهەمەکانمان پێویستی پێیەتی".
مەسرور بارزانی لە درێژەی قسەکانیدا وتی" بەرهەمەکانمان تامێکی تایبەتیان هەیە، خواستێکی گەورەش بۆیان هەیە، ئەوەی دەمێنێتەوە ئەوەیە کە بانگەشەیان بۆ بکرێت و بخرێتە بازاڕەوە و لە قوتودا بخرێنە ناو پاکەت و پاکێجینگی بۆ بکرێت، بۆ ئەوەی بتوانین هەناردەی بکەین بە باشترین شێوە".