دەزگای ئاسایشی نیشتیمانی عێراق تۆمەتبارێکی بە تۆمەتی بە قاچاخبردنی دۆلاریان دەستگیر کردووە و رایگەیاند" یەکێک بووە لە مەترسیدارترین قاچاخچییەکانی دۆلار".
ئەمڕۆ چوارشەممە، دەزگای ئاسایشی نیشتیمانی عێراق رایگەیاند" دوای بەدواداچونەکانیان سەبارەت بە دۆسیەی بەقاچاخبردنی دۆلار و یاریکردن بە نرخی دراوەکانەوە، یەکێک لە مەترسیدارترین قاچاخچییەکانی دۆلاریان دەستگیرکردووە".
هەروەها ڕایگەیاندوە" تۆمەتبارەکە، خاوەنی چەند بانکێکە و لەگەڵ کۆمپانیاکانی ئاڵۆگۆڕی دراو کاری کردووە و رۆژانە مامەڵەی بە چەند ملیۆن دۆلارێکەوە کردووە".
لە راگەیەندراوەکەی ئاسایشی نیشتمانی عێراقدا هاتووە" دهستگیركردنی تۆمهتبارهكه به پێی یاسا بووه و له كاتێكیشدا بووه، كه ویستوویهتی بۆ دهرهوهی وڵات خۆی دهرباز بكات".
ئەمەش لە کاتێکدایە، هەوڵەکانی حکومەتی عێراق و بانکی ناوەندی بۆ جێگیرکردنی بەهای دۆلار بەرامبەر بە دینار بەردەوامە و لەو چوارچێوەیەشدا چەندین کەس بە تۆمەتی سپیکردنەوە و بە قاچاخبردنی دۆلار دەستگیرکراون.