کۆمسیۆنی باڵای سەربەخۆی هەڵبژاردنەکان رایگەیاند" هەڵبژاردن لەکاتی خۆی تەواو دەبێت و ماوەکەی درێژ ناکرێتەوە".
کەمێک لەمەوبەر عەلی رەشید ئەندامی ئەنجومەنی کۆمسیۆنی هەڵبژاردنەکان بە ئاژانسی هەواڵی عێراقی راگەیاندووە" کاتژمێر ٦ی ئێوارە دەرگای بنکەکانی هەڵبژاردن دادەخرێت و ئەو کاتە درێژناکرێتەوە".
دەشڵێت" تا ئێستا هیچ سکاڵایەکی ئەوتۆ تۆمارنەکراوە کە شیاوی باسکردن بێت".
لایخۆشیەوە ئەحلام ئەلجابری ئەندامی کۆمسیۆنی هەڵبژاردنەکان رایگەیاندووە" هیچ کێشەیەک لە ئامێری دەنگدان نییە و ئەوەی لە دەنگدانی تایبەت روویدا چارەسەر کراوە و تەنیا گرفتێکی تەکنیکی بووە".
ئاماژەیان بەوەشداوە کە ئەوان هیچ سکاڵایەکیان بەدەست نەگەیشتووە و پرۆسەکە بە باشی بەڕێوە دەچێت.
لە كاتژمێر (٧:٠٠)ی بهیانی ئهمڕۆوە پڕۆسەی دەنگدانی گشتی بۆ هەڵبژاردنی ئەنجوومەنی پارێزگاکان لە (١٥) پارێزگای عێراق به كهركوك و ناوچه كوردستانییهكانی دهرهوهی ئیدارهی ههرێم دەستیپێکرد و بڕیاره تا کاتژمێر (٦:٠٠)ی ئەم ئێوارەیە بەردەوام بێت