بەیانی ئەمڕۆ سێشەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی ئاسمان ساماڵ و پەڵە هەور دەبێت و پلەکانی گەرماش بەجێگیری دەمێننەوە". 

بەپێی پێشبینییەکانی کەشناسی هەرێم، ئەمڕۆ بەگشتی ئاسمان ساماڵ و پەڵە هەور دەبێت، هەروەها خێرای با (١٠ – ٢٠)کم دەبێت، بەڵام لە سنووری پارێزگای سلێمانی و کەرکوک و ئیدارەی گەرمیان هەندێکجار خێرایی با چالاک دەبێت بۆ (٢٥)کم لە هەر کاتژمێرێکدا و ئاڕاستەکەشی ڕووەو باکورى خۆرهەڵات دەبێت، مەودای بینین (٨ – ١٠)کم دەبێت، پلەکانی گەرماش نزیک دەبنەوە لە تۆمارکراوەکانی دوێنێ. 

ئەوەشی خستەڕوو، سبەینێ چوارشەممە ئاسمان ساماڵ و پەڵە هەور دەبێت، هاوکات خێرای با (١٠ – ٢٠)کم دەبێت و لە سنووری پارێزگای سلێمانی و کەرکوک و ئیدارەی گەرمیان هەندێکجار خێرایی با چالاک دەبێت بۆ (٢٥)کم لە هەر کاتژمێرێکدا و ئاڕاستەکەشی ڕووەو باکورى خۆرئاوا دەبێت، مەودای بینین (٨ – ١٠) کم دەبێت، پلەکانی گەرماش بەجێگیری دەمێننەوە.