بەهۆی تێکەڵبوونی قوڕ و لیتە و نەبوونی کارەبای پێویست فەرمانگەی دابەشکردنی ئاوی ماڵان لە سنووری پارێزگای کەرکوک ڕاگیرا.
بەڕێوەبەرایەتی ئاوی پارێزگای کەرکوک، ئەمڕۆ شەممە راگەیەندراوێکی بڵاوکردەوە و تێیدا هاتووە" بەهۆی تێکەڵبوونی قوڕ و لیتە و نەبوونی کارەبای پێویست، دابەشکردنی ئاوی خواردنەوەی ماڵان راگیراوە".
ئاماژەی بەوەشکردووە، لە ئێستادا تیمەکانیان سەرقاڵی چارەسەرکردنی کێشەکەن و لە زووترین کاتدا چارەسەری دەکەن و دابەشکردنی ئاوی خواردنەوە ئاسایی دەبێتەوە.
ماوەی چەند ڕۆژێکە شەپۆلێکی بارانبارینی بەهێز ناوچە جیاجیاکانی هەرێمی گرتەوە کە بەهۆیەوە لە بەشێک لە ناوچەکان دابەشکردنی ئاوی خواردنەوە راگیراوە.