کەمێک پێش ئێستا بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ لە كاتەكانی شەودا ئاسمان بەگشتی هەوری تەواو دەبێت، لەگەڵ ئەگەری بارینی نمە باران بە تایبەت لە ناوچە شاخاوییەكان".
بەپێی پێشبینییەکانی کەشناسی هەرێم، ئەمڕۆ هەینی ئاسمان پەڵە هەور و نیمچە هەور دەبێت، هاوکات خێرای با (١٠ – ٢٠)کم دەبێت بە ئاراستەی باکوری خۆرهەڵات و مەودای بینین (٩ - ١٠)کم دەبێت، پلەکانی گەرماش (١ تا ٢) پلە بەرزدەبنەوە.
ئەوەشی خستەڕوو، سبەینێ شەممە ئاسمان پەڵە هەور و نیمچە هەور دەبێت، بەڵام لە كاتەكانی شەودا دەگۆڕێت بۆ هەوری تەواو لەگەڵ ئەگەری بارینی نمە باران بە تایبەت لە ناوچە شاخاوییەكان، هەروەها خێرای با (١٠ – ٢٠)کم دەبێت و مەودای بینین (٨ - ١٠) کم دەبێت، پلەکانی گەرماش بەراورد بە تۆمارکراوەکانی ئەمڕۆ (١ تا ٢) پلە بەرزدەبنەوە.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٠
سلێمانی: ٢٩
دهۆک: ٣٠
زاخۆ: ٣٢
هەڵەبجە: ٣١
کەرکوک: ٣٤
سۆران: ٢٩
حاجی ئۆمەران: ١٩
گەرمیان: ٣٥