بۆ دەربڕینی ناڕەزایی بە سیاسەتەكانی ئێران‌و بۆ پشتیوانی لەمانگرتن لەخواردنی ژمارەیەك زیندانی سیاسی كورد لە ئێران، ئەمرۆ ژمارەیەك لە چالاكانی سیاسی و مەدەنی رۆژهەڵاتی كوردستان مانگرتنێكی دوو رۆژەیان لەبەردەم نوسینگەی پەرلەمانی كوردستان لە سلێمانی رێكخست.

چالاكانی سیاسی و مەدەنی رۆژهەڵاتی كوردستان لەسلێمانی، بە هەڵواسینی پلاكارد و وێنەی زیندانیانی سیاسی گیانبەختكردوو و هەروەها ژمارەیەك لە زیندانیانی سیاسی كە ئێستاكە لە زیندانەكانی كۆماری ئیسلامیدان و هەڵكردنی دروشم و پلاكارت و تراكت، پشتیوانیی خۆیان لە زیندانیانی سیاسی كە  لە زیندانی ناوەندیی شاری "ورمێ” و چەند زیندانی دیكەی ئێران مانیان لەخواردن گرتووە لە بەردەم نووسینگەی پارلمانی هەرێمی كوردستان لە شاری "سلێمانی كۆبوونەوە.

ماوەی نزیكەی 3 هەفتەیە ژمارەیەك بەندكراوی سیاسی كورد لە ئێران بۆ دەربڕینی ناڕەزایی بە بارودۆخی زیندان‌و سوكایەتی بەرپرسانی زیندان، مانیان لەخواردن گرتووەۆ بارودۆخی جەستەیی ژمارەیەكیان رووی لەخراپیە.