ئەو ژنە بە گۆرانیبێژی "قوو قوو" دەناسرێت، جگە لەوەی ناوی ئاشكرا نەكراوە، بە گۆرانبێژێكی رەش پێست ناوی دەبرێت و هەندێك دەڵێن ژنە و هەندێكیش بە پیرەمێرد دەیبینن، بەڵام ئەم گۆرانیبێژە، ناوی (فاتمە بن بەرەكە)یە و لە جیهاندا بە (بی كیدودی - واتە داپیرە بچكۆل، بەزمانی كەناراوەكانی ئەفەریقا) ناسراوە.

بی كیدودی، خەڵكی زنزیبارە لە سۆماڵ و بە ئەفسانەی موزیكی ئەفەریقای رۆژهەڵات ناوی دەبرێت، ئەم داپیرەیە لەچەند ساڵی رابردوودا بە گۆرانی "ڕاپ" دژایەتی "بزاوتی گەنجان"ی دەكرد، كە رێكخراوێكی توندڕەوە لەو وڵاتە و شەڕی ناوخۆی راگەیاندووە و هەزاران كەس لەو وڵاتە قوربانی دەستی ئەو بزوتنەوە تودەڕەوەن.

بی كیدودی، رۆژی 17 4 / 2013 لە تەمەنی (100)ساڵیدا لەماڵەكەی خۆیدا كۆچی دوایی كرد، لە بیستەكانی سەدەی رابردودا دەستی بە گۆرانیوتن كردووە و دەیان كۆنسێرتی هونەریی لە زۆرینەی وڵاتانی ئەوروپا و ئەفەریقا و ئاسیا ئەمریكا ئەنجامداوە و خاوەنی ستایلی گۆرانیوتن بووە بەشێوەی "تەرەب" ئەوەش بە تێكەڵكردنی ستایلی عەرەبی و ئەفەریقی لە ئاواز و ئامێرە موزیكەكانیدا و خاوەنی خەڵاتی جیهانیی (ۆڵد موزیك ئێكسپۆ)یە.

ئەگەرچی تەمەنی زۆر زۆربووە و كەمێكیش پشتی چەماوەتەوە و روخسارێكی پیری هەبوو، بەڵام گۆرانییەكانی زۆر گەرموگوڕی پێوەدیاربوو، هەندێكجار خۆی بەشداریی دەكرد لە لێدانی تەپڵ و ئاڕاستەكردنی گروپە مۆسقیەكەیدا.

ئەم خانمە گۆرانیبێژە لەلایەن زۆرێك لە كەناڵ و دەزگا رۆژنامەوانییە جیهانییەكانەوە راپۆرت و بەدواداچون بۆ ژیان و بەرهەمە هونەرییەكانی كراوە و گرنگی بەتواناكانی دراوە و نهێنی ژیانی ئاشكراكراوە.
لە ئامادەکردنی ئەم بابەتەدا سوود لە کەناڵێ کی ئێن ئێن سی کراوە.