رۆمانەكە كە زیاتر لە 50 هەزار وشە دەبێت، باس لەشارێكی خەیاڵی بەناوی برانتۆن هیڵز دەكات و ناوی رۆمانەكەش بەناوی جۆن گادسبایەوە ناونراوە كە كەسایەتیی سەرەكی رۆمانەكەیەو بەهیچ شێوەیەك ئەو وشانە لەخۆ ناگرێت كە پیتی eیان تێدایە.

گادسبای بەیداریكراوی لە 50 هەزارو 110 وشە پێك دێت. رایت لەپێشەكییەكەیدا دەڵێت سەختی بەرچاوی كارەكە ئەوە بووە كە چۆن خۆی لەپاشگری ed لابدات لەكاتی بەكارهێنانی داڕشتەی رابردوی فەرمانەكاندا. بۆ ئەم مەبەستە لەبری ئەوە، ئەو فەرمانانەی بەكارهێناوە كە پاشگری ed وەرناگرن یان وشەی didی لەبەردەم فەرمانە رانەبردووەكاندا بەكارهێناوە تا بەو شێوەیە گوزارشت لەڕابردوو بكات، بۆ نمونە did walkی لەبری walked بەكارهێناوە.

چیرۆكی رۆمانەكە لەساڵی 1906ەوە دەست پێدەكات و بەردەوام دەبێت تا دەگاتە جەنگی جیهانی یەكەم و سەردەمی قەدەغەكردنی خواردنەوە كهولییەكان لە ئەمەریكاو ئیدارەكەی سەرۆك وۆرین هاردینگ (1865-1923) كە 29هەمین سەرۆكی ویلایەتە یەكگرتووەكانی ئەمەریكا بووە.

رایت لەساڵی 1872 لەدایكبووەو ساڵی 1939 كۆچیدوایی كردووە بەڵام تائێستاش وەردەكارییەكانی تایبەت بەژیانی رون نیە.

وەرگێڕانی لەئینگلیزییەوە: والی عەلی

سەرچاوە: wikipedia. Org