ماڵپەڕی ئۆرتە لە زاری سەرچاوەیەک لە پەرلەمانی ئەڵمانیاوە بڵاویکردەوە کە لە وەڵامی پەرلەماندا حکومەتی ئەڵمانیا ناوەڕاستی ئاداری 2015 وەڵامی ئەو پرسیارانە دەداتەوە لەبەشێکی وەڵامەکاندا هاتووە :

بەپێی زانیاریەکانی حکومەتی ئەڵمانیا ، ڕێکخراوی تیرۆریستی داعش لەو بیرە نەوتانەی کە لەژێر کۆنتڕۆڵیدایە لە عیڕاق و سوریا ئەو بڕە (نەوت – پاترۆڵ)ەی ئێستا ڕۆژانە بەرهەمی دێنێ بەمشێوەیە :

ئەلفوڕات – 10 هەزار بەرمیل

دێرەزور – 5 هەزار بەرمیل

حەمرین – 5 هەزار بەرمیل

سەفیە – 6 هەزار بەرمیل

گەیارە (القیارە) – 2 هەزار بەرمیل

حکومەتی ئەڵمانیا لەوەڵامی پرسیارێکدا ڕایگەیاندووە کە داعش بەشێکی ئەو نەوتە بۆ ناوچەکانی ژێر دەستی خۆی بەکاردێنێ و ڕۆژانە (10) هەزار بەرمیلیش دەفرۆشێ . ڕۆژانە داهاتی داعش لەڕێگای فرۆشتنی پاتڕۆڵ (200.000 $) دووسەدهەزار دۆلاری ئەمەریکیە .

لە پرسیارێکدا هاتووە : ئایا داعش چۆن بەکامە ڕێگا و لەڕێگای کامە بازرگانەوە بەنزین و نەوت دەگوازێتەوە ؟

وەڵامی حوکمەتی ئەڵمانیا بەمشێوەیە :

بەپێی زانیاریەکانی حکومەتی ناوەندی ئەڵمانیا ، بەشێک لەو (نەوت – پاتڕۆڵە ) لە ڕێگای بازرگانانی نێوانگیر لەگەڵ (نەوت) ی هەرێمی کوردستانی عیڕاق لەڕێگەی ئەو کەناڵە قاچاغانەی کە دروستبووە دەگوازرێتەوە .

لە پرسیارێکدا هاتووە : داعش نەوت بەچەند دەفرۆشێ ؟

وەڵامی حکومەت : لەنێوان (10 تا 20 $) دۆلار .

حکومەتی ئەڵمانیا پێیوایە بەهۆی بۆردومانە ئاسمانیەکان لەسەدا پەنجا شوێنەکانی بەرهەمهێنانی نەوتی ژێر کۆنتڕۆڵی داعش بەرهەمیان کەمی کردووە .

لەپرسیارێکدا هاتووە : کام ووڵات ئەو نەوتەی داعش دەکڕێ ؟ ئایا ووڵاتانی هاوسێی عیڕاق  و سوریا ئەو نەوتەی ژێر دەستی داعش دەکڕن ؟

وەڵامی حکومەت : حکومەتی ئەڵمانیا زانیاری باوەڕپێکراوی نیە.

لەسەرەتای داگیرکردنی موسڵ و شوێنەکانی عێراق کۆمەڵێک بەرپرسی ناو پێشمەرگەو سەرمایەدار چەند سەفقەیەکی بازرگانی نەوتیان لەگەڵ داعشدا ئەنجامدا، دوای ئەوەی بوو بە پرسی رای گشتی، دادگاکانی کوردستان و حکومەتی هەرێم هەندێک ئیجرائاتی کەمیان کردوو هەندێک خەڵکی دەستگیرکرد، بەڵام تائێستا ئەو پرسە یەکلایی نەبۆتەوەو ئاشکرا نەبووە کە کام بەرپرس و بازرگانی لە پشتەوەیە.