بەرپرسی میحوەری گەرمەسێری هێزی پێشمەرگە، رایگەیاند" ئەمڕۆ دوا مۆڵەت دەبێت لەبەردەم چەکدارانی حەشدی شەعبی و سەرایای خۆراسان کە شارەدێی گوڵاڵە چۆڵبکەن".  بەپێچەونەوە "هێزەکانی پێشمەرگە هێرشیان دەکەنەسەر".

 مەحمود سەنگاوی، بەرپرسی میحوەری گەرمەسێر، ئەمڕۆ پێنج شەممە، 7 /5، بە رووداوی راگەیاند" بەبڕیاری میحوەری گەرمەسێر، ئەمڕۆ دوا مۆڵەتە لەبەردەم چەکدارانی حەشدی شەعبی و سەرایای خۆراسان، کە ژمارەیان لە 80 چەکدار تێناپەڕێت، کە دەبێت ناوچەی گوڵاڵە چۆڵبکەن".

سەنگاوی وتیشی:" ئێستا چەکدارانی حەشدی شەعبی و سەرای خۆراسان، بۆ چۆڵکردنی شارەدێی گوڵالە ئامادەکاری دەکەن".

بەرپرسی میحوەری گەرمەسێر ئاماژەشی بەوەدا، کە چەکدارانی حەشدی شەعبی و سەرایای خۆراسان لە ناوچەکانی سەعدییە جێگیردەبن.

وتیشی :"  لەئەگەری چۆڵنەکردنی شارەدێی گوڵاڵە لەلایەن چەکدارانی حەشدی شەعبی و سەرایای خۆراسانەوە، پێشمەرگە راستەوخۆ هێرشیان دەکاتەسەر".