نزیكەی  55 ئەندامی پەرلەمانی عێراق داوای ده‌ست له‌كاركێشانه‌وه‌ی پارێزگاری نه‌ینه‌وا ده‌كه‌ن، بەهۆی كەوتنی شاری موسڵ‌و داگیركردنی لەلایەن داعشەوە.

لەمبارەیەوە محه‌مه‌د نوری عه‌بد ره‌به‌-په‌رله‌مانتارو نوێنه‌ری پارێزگای نه‌ینه‌وا له‌په‌رله‌مانی عیراق بە KNNی رایگه‌یاند: پاش ئه‌وه‌ی ژماره‌یه‌ك په‌رله‌مانتارو نوێنه‌ری نه‌ینه‌وا له‌په‌رله‌مانی عیراق داوایه‌كیان ئاراسته‌ی حه‌یده‌ر عه‌بادی- سه‌رۆك وه‌زیران كرد سه‌باره‌ت به‌دوورخستنه‌وه‌ی ئه‌سیل نوجه‌یفی پارێزگاری نه‌ینه‌وا له‌پۆسته‌كه‌ی.

لایخۆیه‌وه‌ عه‌بادی داواكه‌ی ئاراسته‌ی په‌رله‌مان كردوه‌ته‌وه‌، هه‌ربۆیه‌ له‌ئێستا 55په‌رله‌مانتاری عیراقی واژۆیان كۆكردوه‌ته‌وه‌ بۆ بڕیاردان له‌سه‌ر دوورخستنه‌وه‌ی نوجه‌یفی له‌پۆسته‌كه‌ی و داوایان له‌سه‌رۆكایه‌تی په‌رله‌مان كردوه‌ كاری به‌په‌له‌ بكات بۆ جێبه‌جێكردنی داواكارییه‌كه‌یان .