بەڕای پسپۆڕانی تەندروستی خواردنی كۆمەڵێك خۆراكی جیاواز سودێكی زۆریان بۆ ئەو كەسانە هەیە كە جگەرەكێشن و دەیانەوێت واز لە جگەرەكێشان بهێنن، چونكە ئەو خۆراكانە دەبنە هۆی كەمكردنەوەی ڕێژەی نیكۆتین.
ئەو خۆراكانە بریتین لە:
1- پرتەقاڵ: خواردنی پرتەقال توانای لەش بۆ لەناوبردنی ماددەی نیكۆتین زیاد دەكات.
2- گوێزەر: بونی ڤیتامینەكان لە گێزەردا دەبێتە هۆی پاكردنەوەی لەش لە ماددەی ژەهراوییەكان و كەمكردنەوەی كاریگەری نیكۆتین.
3- بروكلی: خواردنی ئەو سەوزەیە دەبێتە هۆی پاكردنەوەی سییەكان و كەمكردنەوەی ڕێژەی نیكۆتین.
4- سپێناخ: سپێناخ دەبێتە هۆی تێكدانی تامی جگەرە لە دەمی جگەرەكێشدا، بەمەش حەزی جگەرەكێشان كەمدەبێتەوە.
5- ئاو :خواردنەوەی زیاتر لە دوو لیتر ئاو دەبێتە هۆی لەناوبردنی ژەهرەكانی لەش بە تایبەت ماددەی نیكۆتین.