هونەرمەندی گەورەی عەرەب عادل ئیمام ئامادەكاری بۆ ئاهەنگی كوڕە بچوكەكەی دەكات و چەند هونەرمەندێكیش بانگهێشت دەكات.
عادل ئیمام هەفتەی داهاتوو ئاهەنگی هاوسەرگیری بۆ محەمەد ئیمامی كوڕە بچوكی سازدەكات، كە یەكێكە لە هونەرمەندە دیارەكانی میسر و لەگەڵ باوكیدا بەشداری چەند كارێكی كردووە.
كەسێكی نزیك لە ئیمام بە میدیاكانی ڕاگەیاندووە كە ئاهەنگەكە لە یەكێك لە ناوچە كەناراوەكانی باكوری میسر سازدەكرێت و پێشبینی دەكرێت كە ئاهەنگێكی گەورە و ئەفسانەی بێت، هەروەها چەندین هونەرمەند و كەسانی سیاسی و وەزیر ئامادە دەبن.
لەنێو ئەو هونەرمەندانەی بانگهێشت كراون دیارترینیان عەمرو دیابە، هەروەها عادل ئیمام داوای لە هونەرمەندان شیرین عەبدولوەهاب و محەمەد مونیر كردووە لە ئاهەنگەكەدا گۆرانی بڵێن.