وەزارەتی دارایی وەڵامی دوو پەرلەمانتاری پارتی دەداتەوەو دەڵێت" لەسەر دواکەوتنی مووچە بڕۆن لە وەزارەتی سامانە سروشتیەکان بپرسن".
لەرونكردنەوەیەك لە وەزارەتی دارایی و ئابووریدا کە بۆ سپی نێردراوە دەڵێن" لە چەند دەزگایەكی راگەیاندن هەردوو پەرلەمانتاری لیژنەی دارایی و ئابووری پەرلەمانی كوردستان ( د. شیرین حوسنی و دڵشاد شەعبان) لێدوانیان داوە كە وەزارەتی دارایی هۆكاری دابەشنەكردنی مووچەی مانگی شەشە".
وەزارەتی دارایی دەڵێن: ئێمە وەك وەزارەتی دارایی و ئابووری ئەوە روون دەكەینەوە كە تاوەكو بەرواری ئەم رونكردنەوەیە هیچ بڕە پارەیەكی فرۆشتنی نەوت لە ماوەی مانگی رابردوودا نەهاتۆتە سەر حسابی وەزارەتی دارایی و ئابووری لە ناوخۆی كوردستان و لە وڵاتی توركیا".
وەزارەتی ناوبراو دەڵێن" رای دەگەینین كە پێویستە وەزارەتی سامانە سروشتیەكان هۆكاری نەناردنی ئەو بڕە پارەیە بۆ سەر حسابی وەزارەتی دارایی و ئابووری رونبكاتەوە، دەبوایە ئەو پەرلەمانتارانە پرسیاریان لە وەزارەتی سامانە سروشتیەكان كردبا، كە ئاخۆ بۆچی پارەی فرۆشتنی نەوت ناخاتە سەر حسابی وەزارەتی دارایی كە مووچەی مانگی شەشی پێشمەرگە و مووچە خۆرانی كوردستانە".
راگەیاندنی وەزارەتی دارایی داوا لە سەرجەم پەرلەمانتارانی كوردستان دەكەن بەداواداچوونی ورد لەسەر چارەنوسی داهاتی فرۆشتنی نەوتی مانگی رابردوو بکەن و دەڵێت" وەك وەزارەتی دارایی و ئابووری دەرگامان كراوەیە بۆ بەدواداچوون لەسەر قوتی خەڵكی كوردستان و لێپرسینەوە لە لایەنی كەمتەرخەم".