گەمارۆی جەزیرەی باكوری كوردستان لەلایەن هێزكانی توركیاوە بەردەوامە‌و پەرلەمانتاری كورد لەیلا زانا مانگرتن تا مردنی راگەیاند.

لەیلا زانا، پەرلەمانتاری شاری ئاگری لەسەر لیستی هەدەپە كە لە گەڵ پەرلەمانتارەكانی دیكەی ئەو حیزبە بەشداری كاروانی بەرەو جەزیرە بوون راگەیاند: لەماوەی یەک هەفتەدا لە شارۆچکەی جزیرە ٢٠ کەس شەهیدبوون، ئەوەش تاوانی سیاسیە، لەو بارەیەوە دەڵێت:" ئەوان هەرگیز لەبەرامبەر ئەو کوشت و تاوانی سیاسیە بێدەنگ نابن و وەک بینەر تەماشا ناکەن، بۆئەوەی چیدی گەنجانمان نەکوژرێن، من دەست بەمانگرت تامردن دەکەم، لە جزیرە منداڵی تەمەن ٣٥ ڕۆژان تا مرۆڤی تەمەن 60 ساڵان یان کوشتوە و تەرمەکانیان لە بەفرگری ماڵاندا هەڵگرتووە، بۆیە چیدی ئەوان ناتوانن بینەری ئەو ڕووداوانەبن، ئیدی بەسە بەمردن ناتوانین بگەینە هیچ ئامانجێک".