ئەمینداری گشتی وەزارەتی پێشمەرگە ژمارەی ئەو پێشمەرگانە ئاشكرا دەكات كە لەسەرەتای شەڕی داعش تائێستا لەبەرەكانی شەڕ بێسەروشوێن بوون.

جەبار یاوەر، ئەمینداری گشتی وەزارەتی پێشمەرگە رایگەیاند: لەسەرەتای شەڕی داعشەوە تا ئێستا 52 پێشمەرگە بێسەروشوێن بوون..

ئەمینداری پێشمەرگە هەروەها سەبارەت بە گرتەی ڤیدیۆیی شەهیدكردنی پۆلێك پێشمەرگە بە باسنیوزی وت: ئێمە بە دواداچوون بۆ ناسنامەی ئەو پێشمەرگانە دەکەین و ناسنامەکانیان دەستنیشان دەکەین بەڵام ئەو ڤیدیۆیە لە کۆمەڵێک ماڵپەری نزیک لە داعش بڵاوکراوەتەوە ئێمە بەدواداچوونی زیاتر دەکەین”.

وتیشی: ئێمە بەشێکین لە هاوپەیمانی شەڕی داعش پابەندی رێککەوتنامەکانین بەڵام "لە بەرەکانی شەڕ کۆتای هێنان بە چەکدارانی داعش و تۆڵەی تەواوی شەهیدان دەکەینەوە”.

شەوی ڕابردوو30/9/2015 رێکخراوی توندڕەوی دەوڵەتی ئیسلامی (داعش) گرتەی ڤیدیۆی 8پێشمەرگەی دیلی بڵاوکردەوە کە بە دڕندانەترین شێوە شەهیدیان دەکات.