پەکەکە رایدەگەیەنێت لە ناوچەی جۆلەمێرگ لە گەڤەر لەشەڕێکی قورسدا کە تا ئێستا بەردەوامە ٨٦ سەربازی هێزی ئۆپراسیۆنی تورکیا کوژران.
ئەندامی پەیوەندییەکانی پارتی کرێکارانی کوردستان هەڤاڵ زاگرۆس بە سپی راگەیاند " هێزەکانی تورکیا ویستیان سوود لەئاگربەستی پارتی کرێکارانی کوردستان وەربگرن و لەدوێنێوە لەناوچەی جۆلەمێرگ لە گەڤەر هێرشیان کردە سەر ئەو شوێن و رێگایانەی بە دەست گەریلاوەن".
زاگرۆس کە ئەندامی پەیوەندیەکانی پارتی کرێکارانی کوردستانە لە درێژەی لێدوانەکەیدا ئاماژەی بۆ ئەوە کرد" لە دوێنێوە شەڕێکی قورس لە گەڤەر دەگوزەرێت و تا ئێستا بەردەوامە". ( گەڤەر ٢٠ کم دوورە لەسنوری هەرێمی کوردستانی عێراقەوە).
سەبارەت بە زیانەکانی سووپای تورکیا، هەڤاڵ زاگرۆس وتی" ٨٦ سەربازی تورک لە هێزی ئۆپراسیۆنی حکومەتی تورکیا کە هێزێکی تایبەتی هێرشبەرە کوژراون و بریندارەکانیان زۆر لەوە زیاترە".
ناوبراو ئاماژەی بۆ ئەوە کرد لە شەڕەدا ٩ گەریلا شەهیدبوون.