لیژنەی قەرەبووکردنەوەی زیانەکانی شەڕی کوردو حەشدی شیعە ئەمڕۆ ئاماری دووکانە سووتاوەکانی تەواو کردو، بەپێی ئەو ئامارە ٢٠٥ دوکانی تورکمان و کوردو عەرەب سووتێنراون.
پەیامنێری سپی لە خورماتوەوە رایگەیاند " لیژنەی قەرەبووکردنەوەی زیانەکانی شەڕی کوردو حەشدی شیعە سوتاندنی ئاماری دوکانەکانی تەواوکرد، بەپێی ئەو ئامارە لە ناو بازاڕی خورماتوو ٦١ دوکانی کوردو ٢٧ ی تورکمان و ٢ ی عەرەب سووتێنراون".
هەر بەپێی ئەو ئامارە لە ناوجەی پیشەسازی خورماتوو، ١٠٥ دوکانی تورکمان و ١٠ دوکانی کورد سوتێنراون.
پێشتریش سپی ژمارەی ماڵە سووتاوەکانی هەردوولای بڵاوکردەوە کە بەپێی ئەو ئامارە ٨١ ماڵ تورکمان سووتێنراوە بەرامبەر ٣٠ ماڵی کورد.
لەرۆژی ١١/١٢ بۆ ماوەی نزیکەی هەفتەیەک بارگرژی لەنێوان هێزەکانی حەشدی شیعەو پێشمەرگە درستبوو، سەرەتا لە خاڵی پشکنینی خورماتوو – بەغدا دروستبوو، دواتر گواسترایەوە بۆ ناو شارەکەو بەپێی ئاماری کورد ١٥ حەشدی شیعە بەرامبەر ٧ کورد کوژران.