سەرۆکی زانکۆی سلێمانی ڕایگەیاند کە لە زانکۆ لە ڕۆژی ٢٧ی ئەم مانگەوە دەست بە دەوام دەکرێتەوە و بایکۆت دەشکێنرێت.

د.سەڵاح سەعید سەرۆکی زانکۆی سلێمانی لە کۆنگرەیەکی ڕۆژنامەوانیدا ڕایگەیاند لە ٢٧ ئەم مانگەوە دەوام دەستپێدەکەنەوە و ئاماژەی بۆ ئەوەشکرد ئەگەر بایکۆت درێژەی هەبێت ناتوانن قەرەبووی بایکۆتی ماوەی ڕابردوو بکەنەوە.

ناوبراو وتیشی داواکارین حکومەت بە شێوەیەکی دیکە بڕوانێتە خوێندنی باڵا و وتیشی "هەستمانکرد بە ڕاگرتنی دەوام خۆمان و خوێندکاران زەرەرمەند دەبن".

ئەمەش لە کاتێکدا دێت کە دژ بە بڕیاری پاشەکەوتکردنی موچەکانیان ماوەی زیاتر لە مانگێکە مامۆستایان و فەرمانبەرانی زانکۆی سلێمانی بایکۆتی دەوامکردنیان کردبوو.