حکومەتی هەرێم بڕیار دەدات لە سێ مانگدا مووچەی مووچەخۆران بکرێت بە سیستەمی ئەلکترۆنی.
لیژنەی ڕووبەڕوبوونەوەی قەیرانی دارایی هەرێم لە کۆبوونەوەی ئەمڕۆدا ٤/٥ بڕیاریدا بە پێکهێنانی لیژنەیەک بۆ بە ئەلیکترۆنیکردنی سیستمی میلاکاتی فەرمانبەران و تەواوی موچەخۆران.
بەپێی ئەو سیستەمە کە سێ مانگ دەخایەنێت زانیارییەکان و پەنجەمۆر و بەسمەی چاوی هەر موچەخۆرێک وەردەگیرێت و دواتر کارتی بۆ دروست دەکرێت کە کارتەکە کودی لەسەر دەبێت و هەر مووچە خۆرێک کۆدی تایبەتی خۆی دەبێت.
ئەم هەنگاوەش بەشێكە لەو هەنگاوە چاکسازییەی کە حکومەت لە ڕێگای لیژنەی قەیرانی داراییەوە دەینێت و هەریەک لە سەرۆکی حکومەت و جێگرەکەی ئەندامن تیایدا.