یەکەیەکی سەربازی ئەڵمانی گەیشتنە رۆژئاوا بۆ یارمەتیدانی هێزەکانی سووریای دیموکراتی لە ئازادکردنی تەواوی شاری منبەجی ستراتیژی.
ماڵپەڕی هەواڵ ٢٤ بڵاویکردەوە ئەو هێزەی ئەڵمانیا پێکدێن لە راوێژکاری سەربازی و پسپۆرو یەکەی پیادەو، بە مەبەستی یارمەتیدانی هێزەکانی سووریای دیموکراتی، هاتنی ئەو هێزانەش لە چوارچێوەی هێزەکانی هاوپەیمانی دژی داعشدان.
ئەم هێزەی ئەڵمانیا دەچنە پاڵ ئەو ٥٠٠ سەربازە ئەمەریکییەی کە لەرۆژئاوان و کۆمەکی سەربازی هەمەجۆر پێشکەشی یەپەگەو هێزەکانی سوریای دیموکراتی دەکەن.
بەپێی ماڵپەرەکە ئەو هێزانە کارەکانی لە هەماهەنگی فڕۆکە جەنگیەکان و ئامانجەکانی سەر زەوی و ئاشکراردنی مین و هەڵگرتنەوەی مین خۆی دەبینێتەوە.
هێزەکانی فەرنساش یەکەیەکی سەربازی دەهێننە کوبانێ و لەسەر گردی مشتەنور بنکەیەکی سەربازی دادەنێن.
١٤ رۆژە هێزەکانی سووریای دیموکراتی هێرشێکی فراوانیان بۆ رزگارکردنی ناوچەکانی باکوری رەقە و حەلەب دەستپێکردووە.