چەکدارانی داعش لە رۆژئاوای شاری خورماتوو هێرشێکی بەرفراوانیان کردۆتە سەر چەند گوندێک و چەندان پۆلیس‌و حەشدی شەعبیان دەستگیرکردووە.
محەمەد فایەق بەرپرسی راگەیاندی قائیمقامیەتی خورماتوو رایگەیاند" هێرشەکە کاتژمیر ٩:٣٠ ی شەو بووەو سەرەتا داعش لە رێگای تەقینەوەوە هێرشکەیان دەستپێکردووەو دواتر پۆلیسی خورماتوو چوون بەدەنگی هێزەکانیانەوە، بەڵام داعش چەندان بۆسەیان بۆ داناون و ژمارەیەکی بەرچاو پۆلیس کوژراو بریندارن".
سەرچاوەیەکی ئاگادار بە سپی راگەیاند " چەکدارانی داعش توانیوویانە گوندەکانی بیرئەحمەدو عەبود و زەنجەلی کۆنترۆڵ بکەن، کە گوندی تورکمانی شیعەن و چەکدارانی حەشدی شەعبی لێبووە".
سەبارەت بە زیانەکان، سەرچاوەکەی سپی ئەوەی ئاشکرا کرد ژمارەی کوژراوەکانی پۆلیس و حەشد زۆرن و هەموویان شیعەن و بەرپرسی پلە بالآی پۆلیسی لەنێو کوژراوەکاندا هەیە لەوانە بەرێوەبەری پۆلیسی خورماتوو عەقید مستەفا بیاتی و جێگرەکەی.
ئەو سەرچاوەیە باسی لەوە کرد پێشمەرگە لەو قٶڵەوە نییەو کورد هیچ زیانێکی گیانی لێنکەوتووە، سەرجەم ئەو میحوەرە حەشدی شەعبی و پۆلیسی تورکمانی شیعەی لێیە.