كۆڕبەندی ناڕەزایەتی كوردستان تۆپبارانەكانی ئێران شەرمەزار دەكات
لەبەیاننامەیەكدا كۆڕبەندی ناڕەزایی لەكوردستان ئیدانەی تۆپبارانی ناوچەسنوریەكانی هەرێم لەلایەن ئێران دەكاتو داوای هەڵوێستی لایەنە سیاسییەكانی باشور دەكات.
لەبەیاننامەكەدا هاتووە: ئەمرۆ یەك شەمە 26ی یۆنی , تۆپخانەكانی كۆماری ئیسلامی ئێران بە بەهانەی بوونی پێشمەرگەی لایەنەكانی رۆژهەڵاتی كوردستان گوندنشینەكانی دۆڵی ئالانە ی حاجی ئۆمەران و كوێستانەكانی دەڤەری سیدەكانی تۆپباران كردووە لە ئەنجامدا 4 هاووڵاتی سڤیل بریندار بوونەو هاوڵاتیانی ناوچەكەش ئاوارە بوونەو زەرەرو زیانی مادی زۆریش بە گوندنشینانی ئەو دوو ناوچەیە گەیشتووە .
لەكۆتاییدا هاتووە: ئێمە بە توندی ئیدانەی ئەم پەلامارەی كۆماری ئیسلامی ئێران دەكەین , پێمان وایە پەلاماردانی هاووڵاتیانی سڤیل بەهەر بیانویەكەوە بێت لە لایەن ئێران و توركیاوە رۆژانە ئەنجام دەدرێت تاوانی گەورەیە , هاوكات ئیدانەی بێدەنگی حكومەت و لایەنە سیاسییەكانی باشوری كوردستان دەكەین كە تا ئێستا هیچ هەڵوێستێكیان لەبەرامبەر ئەم تاوانانەی توركیا و كۆماری ئیسلامی ئێران دەرنەبڕیووە .
PM:01:40:27/06/2016