پارێزگاری كەركوك بە بۆنەی هاتنەوەی جەژنی ڕەمەزانەوە ڕۆژێكی هەفتەی داهاتووی كردە پشوو، پشووەكەش ڕۆژێك پێش جەژن دەگرێتەوە.

نەجمەدین كەریم، پارێزگاری كەركوك؛ لە لێدوانێكی ڕۆژنامەوانیدا بۆ كەناڵەكانی ڕاگەیاندن ڕایگەیاند،: "بڕیارمانداوە ڕۆژی پێش جەژنی ڕەمەزانی پیرۆز لە سەرجەم دام و دەزگا حكومیەكان بكرێتە پشووی فەرمی، تا هاوڵاتیان جەژنەكەیان لە سایەی سەركەوتنەكان بەخۆشی بەڕێ بكەن".

ڕاشیگەیاند، كە شارەوانی كەركوك ڕاسپێردراوە بە خەرجكردنی مووچەی ئەو فەرمانبەرە گرێبەستانەی كاری پاكەرەوە دەكەن و مووچەیان لەسەر پترۆ دۆلارە.