بەتۆمەتی پەیوەندی لەگەڵ فەتحوڵا گوڵەن، راوێژكاری سەربازیی رەجەب تەیب ئەردۆغان سەرۆكی توركیا دەستگیر كرا.

میدیا فەرمییەكانی توركیا بڵاویانكردەوە لەهەڵمەتی هێزە ئەمنییەكانی توركیا بۆ دەستگیركردنی تۆمەتبارانی كودەتاكەی شەوی 15/7، پاش نیوەرۆی ئەمرۆ عەلی یازجی راوێژكاری سەربازیی سەرۆك كۆماری توركیا دەستگیركرا.

وەزیری دادی توركیا پێشتر رایگەیاند تا ئێستا 6 هەزار كەس بەتۆمەتی پەیوەندی بەو كودەتاوە دەستگیر كراون.