ئۆمیگا 3 بریتیە لەو چەورىە سودبەخشەى، کەلە یەکێک
لەدوو گرنگترین چەورى EPA
(eicosapentaenoic acid) DHA (docosahexaenoic acid) دەست دەکەوێت کەبەشێوەیەکى سەرەکى لە ماسیدا دەست
دەکەوێت، برێکى کەمیش لە ئۆمیگا 3 کە بە جۆرىALA
(alpha-linolenic acid) ناسراوە لە بەشێک لەو ڕوەکانە دەست دەکەوێت کە
بۆ بەچەرەسات ناسراون وەک فست،گازۆر و چەند چەرەساتێکى تر. بەشێوەیەکى گشتى ئۆمیگا
3 چەوریەکى گرنگە بۆ تەندروستى مرۆڤ و ئەم
سودانەى خوارەوەى هەیە:
1.چەورى خوێن: ئۆمیگا
سێ یاخود خواردنى ماسى ڕێگرى لە بەرزبونەوەى چەورى خۆێن دەکات و یارمەتى دەرە بۆ کەمکردنەوەى چەورى خوێن بەتایبەتى
جۆرى ترایگلسرین (triglycerides) کە بەرزبونەوەى
ڕێژەى ئەم چەوریە لە خوێندا دەبێتە هۆکارى نەخۆشیەکانى دڵ، بەم پێیەش خواردنى گۆشتى
ماسى کەڕێژەیەکى زۆر لە ئۆمیگا 3 تێدایە دەبێتە پارێزگارى لەنەخۆشیەکانى دڵ.
2.خەمۆکى: چەند سەرچاوەیەکى
زانستى ئەوەیان دۆزیوەتەوە ئەو کۆمەڵگایانەى ماسى بەشێکى سەرەکى ژەمەکانى خواردنیانە
یاخود گۆشتى ماسى زۆردەخۆن بەهۆى زۆرى ڕێژەى ئۆمیگا 3 لە لەشیاندا ئاستى خەمۆکى لەنێوانیاندا
کەمە و نەخۆشیە دەرونیەکانیان تێیاندا کەمە.
3.گەشەى لەش: ئۆمیگا
3 دەبێتە هۆى گەشەى بەردەوام و چالاکى خانەکانى لەش بەتایبەت لە منداڵانى ساواو بچوکدا،
بۆیە پێدانى گۆشتى ماسى ئەو گەشەیە خێراترو بەهێزترەکات.
4. کەمبونەوەى ڕەبوو:ئۆمیگا 3 یارمەتى چارەسەرو کەمکردنەوەى هەوکردنەکانى سیەکان دەکات بەتایبەت ئەو هەوکردنانەى
ئەبێتە هۆکارى دروستبوونى ڕەبوو، بۆیە ماسى و بەرهەمەکانى بەشێوەیەکى سەرەکى لەکەمکردنەوەى ڕەبوو بەشدارن.
5.زەهایمەر: هەندێک
لەسەرچاوە پزیشکیەکان ئاماژە بەوە دەکەن بەرزبونەوەى ڕێژەى ئۆمیگا3 دەبێتە هۆى کەمکردنەوەى
ئەگەرەکان بە توشبوون بە نەخۆشى زەهایمەر واتە (لەبیرکردن)، وەیارمەتیدەرێکى باشە بۆ
بەرگریکردن بۆ ڕێگرى لە لەدەستدانى بیر و یادگارى.
6. چەورى جگەر: ئۆمیگا
3 کاریگەرى هەیە لەسوتان وتوانەوەى چەورى دەورى جگەر کە دەبێتە هۆى نەخۆشى و لاوازىو
هەستکردن بەماندوێتى.
لەگەڵ ئەماندا ئۆمیگا 3 دەبێتە هۆى بەخشینى وزەو
تواناو، بەهێزبونى تواناى سێکسى و کاریگەرى هەیە لەسەر ئاستى بینیى و گەشکردنى پێست
و ڕێگرى لەدروست بونى چەورى ورگ، هەروەها بۆ ئافرەتى دووگیان لەسێ مانگى پاش دوگیان
بونى یارمەتیدەر بۆ گەشەى مێشکى کۆرپەلەى ناوسکى دایک و گەشەى خێراى خانەکانى کۆرپەلە.
بەشێوەیەکى سەرەکى ئۆمیگا 3 پێویستەکى تەندروستى
مرۆڤە پێویستە ئەم پێویستەیى لەشمان پشتگۆێ نەخەین بەتایبەت لە خواردنى ماسى و بەرهەمانى
کە بەشێکى سەرەکى دەستکەوتنى ئۆمیگا 3 یە.
بەهیواى تەندروستیەکى باش
سەرخێڵ ئاراز
پسپۆڕى پەتازانى و زانستى نەخۆشیەکان
ماستەر
[email protected]