وەزارەتی بەرگری ئەمەریكا جەخت لەسەر ئەوە دەكاتەوە كە پاش كۆتایی ئۆپەراسیۆنی منبج شەڕڤانانی یەپەگە بەرەو رۆژهەڵاتی فورات دەكشێنەوە.

ئەمرۆ لەمیانەی كۆنگرەیەكی رۆژنامەنوسیدا پیتەر كوك، وتەبێژی وەزارەتی بەرگریی ئەمەریكا (پنتاگۆن) رایگەیاند: تورکیا  لە چوارچێوەی ئۆپەراسیۆنی قەڵغانی فورات دا گورزێکی کوشندەی لە داعش وەشاندووە".

ئاماژە بەوەشدا كە  قەڵغانی فورات بەردەوام دەبێت و وتی: "هاوپەیمانان تەنیا لە رێگەی هێرشی ئاسمانییەوە پاڵپشتی لە ئۆپەراسیۆنەکە دەکەن".

سەبارەت بە کشانەوەی هێزەکانی پەیەدە و یەپەگە بۆ رۆژهە‌ڵاتی فورات کوک وتی: "بۆ رزگارکردنی منبج هەروەک چاوەڕوان دەکرا بەشێک لە هێزەکانی سووریای دیموکرات بەرەو رۆژهەڵاتی فورات کشانەوە و بەشێک بۆ بەرگرتن لەو داعشانەی کە دەیانەوێت دزە بکەنە ناوچەکە و بۆمب دابنێنەوە، ماونەتەوە".

جەختی لەوەشكردەوە  لەوەی کە دوای ئۆپەراسیۆنەکان یەپەگە بەرەو رۆژهەڵاتی فورات دەکشێتەوە.