ئەمڕۆ هەڵبژاردنی سەرۆکایەتی ئەمریکا ئەنجام دەدرێت و هەر کاندیدێک ببێت بە سەرۆک دەبێت ٢٧٠ دەنگی ئەندامی ئەنجومەنی Electoral College بەدەست بهێنێت، ئەگەر ئەمەش ڕووینەدا ئەوا ڕێکارێکی دیکە دەگیرێتە بەر و هەڵبژاردنەکە دوبارە ناکرێتەوە.

Electoral College ئەنجومەنێکە کە هاوڵاتیان دەنگی پێدەدەن و دواتر ئەوان سەرۆکی ئەمریکا و جێگری سەرۆک بۆ ماوەی چوار ساڵ هەڵدەبژێرن ئەمەش واتە خەڵکی ئەمریکا راستەوخۆ سەرۆکی وڵاتەکەیان هەڵنابژێرن، بەڵکو ئەندامانی ئەو ئەنجوومەنە هەڵدەبژێرن و دواتر ئەندامانی ئەنجوومەنەکە، کە پێشتر بەڵێنیانداوە دەنگ بە کام کاندید بدەن، سەرۆک و جێگری سەرۆک دەستنیشاندەکەن.

بەڵام ئەگەر دوو کاندید هەردووکیان ٢٦٩ دەنگیان بەدەستهێناو یەکسان بوون ئەوا ئەنجوومەنی نوێنەرانی ئەمریکا (کۆنگرێس) سەرۆکێک هەڵدەبژێرن و کێبڕکێکە یەکلایی دەکەنەوە.