فراکسیۆنەکانی یەکێتی و گۆڕان و کۆمەڵ و یەکگرتوو لە
پەرلەمانی عێراق لەبارەی کۆبوونەوەیان لەگەڵ حکومەتی هەرێم، داوای دواخستنی
کۆبوونەوەکە دەکەن
ئەو چوار لایەنە ئەمڕۆ لە سلێمانی کۆبوونەوە و دوای
کۆبوونەوەکەش ڕاگەیەندراوێکیان بڵاوکردەوە و تێیدا هاتووە "ئێمە وەک ئەو چوار
فراکسیۆنە کوردستانییەی لە پەرلەمانی عێراقداین، بە هاودەنگی کارمان بۆ بەشە
بودجەی هەرێم و مووچەی پێشمەرگە لەناو یاساکەدا کرد و دەنگمان پێیدا".
هەر لەو ڕاگەیەندراوەشدا هاتووە "دەبوایە زۆر زووتر حکومەت
حکومەت خەمخۆرانە بۆ دۆزینەوەی چارەسەرێکی یاسایی کێشەی مووچەی فەرمانبەران و
مووچەی پێشمەرگە شاندێک بنێرێتە بەغدا و لەگەڵ نوێنەرانی کورد لەئەنجومەنی
نوێنەرانی عیراق کۆببێتەوە".
ئەو چوار لایەنە جەختەکەنەوە کە ڕاشیانگەیاندووە
"بەڕای ئێمە ئەم جۆرە کۆبوونەوانە پێویستە بە ماوەیەکی گونجاو بەر لەکاتی
ئەنجامدانی، فراکسیۆنەکان ئاگاداربکرێنەوە و بە هاوبەشی ئەجێنداکەی دابنرێت و کاتی
پێویست بۆ پەرلەمانتاران تەرخانبکرێت کە وردەکاریەکانی یاسای بودجە و بەتایبەت
پشکى هەریم بۆ بەرپرسانی حکومەتی هەرێم ڕوونبکەنەوە. بۆیە بە پێویست دەزانین
کاتەکەی بۆ هەفتەی داهاتوو دوابخرێت، کە لانیکەم هەفتەیەک لەبەردەم فراکسیۆنەکان و
لایەنە سیاسییەکانمان دا بێت، بۆئەوەی بە وردی لەجەدوای کۆبوونەوەکە و ئەجێندا و
ئامانجەکەی بکۆڵینەوە و دواتر بڕیارێکی پێویستی لەوبارەیەوە بدەین".
ئەمەش لە کاتێکدا دێت حکومەتی هەرێمی
کوردستان داوای لە فراکسیۆنەکانی پەرلەمانی عێراق کرد کە لەسەر بودجە لەگەڵیاندا
کۆببنەوە.