ڕێکەوت حەمەڕەشید وەزیری تەندروستی حکوومەتی هەرێمی کوردستان، لە لاپەڕەی تایبەتی خۆی لە تۆڕی کۆمەڵایەتی فەیسبووک رای گەیاند " لەکۆبوونەوەی ئەنجوومەنی وەزیراندا، سەرەڕای باسکردنی ئەو چاکسازیانەی کە لەڕەوشی دەرمان و چاککردنی چوراچێوەی وەزارەت و کەمکردنەوەی خەرجی زیادە خستیە ڕوو، هاوکات بەرنامەی وەزارەتەکەشی بۆ ئەمساڵ ئاشکرا کرد".

وەزیری تەندروستی ئاماژە بۆ ئەوە دەکات،  شەش هەنگاو وەکو بەرنامەی ساڵی 2017 کاری پێدەکەن، گرنگترینیان ئەمانەن:

١- زیادکردنی داهات لە ڕێی زیادکردنی باج لەسەر جگەرە، کحول، نێرگەلە، کارگەکانی چیمەنتۆ و پیتڕۆکیمیاوی.

٢- بەهێزکردنی تاقیگەی ناوەندی خۆراک لە بازاڕەکان و تاقیگەکانی سەر سنوور(حاجی ئۆمەران، باشماخ، پەروێزخان و ئیبراهیم خەلیل).

٣- دانانی کۆمپانیای هاوردە و دابینکردنی دەرمان کە حکوومەت خۆی سەرپەرشتی بکات.

٤- ڕێکخستنی سیستمی ڕەوانەکردنی نەخۆش.

۵- چاکردن و ڕێکخستنی چۆنیەتی کۆکردنەوەی پاشەڕۆی پزیشکی بەشێوەیەکی زانستی و سەلامەت.

٦- پلانی کارکردن بە سیستەمی ppp بۆ تەواوکردنی پڕۆژە ئەندازەییەکان.

ئەنجومەنی وەزیران دوێنی لە هەولێر کۆبوونەوەی ئاسایی خۆی ئەنجامدا و یەکێک لەو خاڵانە زیادکردنی باج بووە لەسەر ئەو کاڵایانە.