ئه‌مڕۆ سێ شه‌ممه‌ له‌ راگه‌یه‌نراوێكدا  به‌ڕێوه‌به‌رایه‌تی ئاسایشی سلێمانی رایگه‌یاند "له‌درێژه‌ی كاروچالاكیه‌كانی به‌ڕێوه‌به‌رایه‌تی ئاسایشی سلێمانی، به‌مه‌به‌ستی بنبڕكردن و رێگرتن له‌هێنان و بازرگانی كردن به‌هه‌موو جۆره‌ مادده‌یه‌كی هۆشبه‌ره‌وه‌، هێزه‌كانی ئاسایشی سلێمانی توانیان له‌ناو شاری سلێمانی به‌بڕیاری دادوه‌ر و به‌پێی مادده‌ی (14) ی مخدرات ، له‌ڕۆژانی ( 6 / 7 / 2015 ) بۆ ( 13 / 7 / 2016  )  چوار كه‌س ده‌ستگیر بكه‌ن".

ئاماژه‌ی به‌وه‌شكردووه‌، دوای گه‌ڵاڵه‌بونی دۆسیه‌كانیان و هه‌واڵه‌كردنیان بۆ دادگا، چوار ده‌ستگیركراوه‌كه‌ له‌ رێكه‌وتی 30 ی 1 ی 2017 له‌لایه‌ن دادگای تاوانه‌كانی سلێمانیه‌وه‌ سزادران به‌م شێوه‌یه‌ی خواره‌وه‌؛

1- تاوانبار (ك،ع،ك) له‌دایكبوی ساڵی (1991 ) عێراق، پیشه‌ی كاسب، ره‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌، سزادراوه‌ بۆ ماوه‌ی (1)ساڵ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار.

2- تاوانبار (ێ،ح ،ع ) له‌دایكبوی ساڵی (1987) ئێراق ، پیشه‌ی كاسب،ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌، سزادراوه‌ بۆ ماوه‌ی (8)مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار.

3- تاوانبار (ك،س،ع) له‌دایكبوی ساڵی (1992 ) عێراق ، پیشه‌ی كاسب ،ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌ ، سزادراوه‌ بۆ ماوه‌ی (8) مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار.

4- تاوانبار ( ڕ،ح،ێ ) له‌دایكبوی ساڵی (1982 ) عێراق ، پیشه‌ی كاسب،ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌ ، سزادراوه‌ بۆ ماوه‌ی (8)مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار.