فراكسیۆنی گۆڕان داوای جێبەجێكردنی رێككەوتننامەی
نێوان یەكێتی و گۆڕان دەكات.
فراكسیۆنی گۆڕان لە پەرلەمانی كوردستان داوا لە
فراكسیۆنی یەكێتی نیشتمانی كوردستان دەكات، كە لە سەر بنەمای رێككەوتنی سیاسی نێوان
بزوتنەوەی گۆڕان و یەكێتی نیشتمانی كوردستان، قۆناغی كۆتایی دروستكردنی ئیئتلافی فراكسیۆنەكانی
یەكێتی و گۆڕان تەواو بكەین و، رایبگەیەنن".
دەقی داواكارییەكە...
بۆ / فراكسیۆنی یەكێتی نیشتمانی كوردستان لە پەرلەمانی
كوردستان
سڵاو و رێز
لەبەر ئەوەی لە سەروبەندی قۆناغێكی نوێین بۆ ئاسایی
و كاراكردنەوەی پەرلەمانی كوڕدستان، بۆیە ئێمە بەم بۆنەیەوە داوا لە بەڕێزتان دەكەین;
كە لە سەر بنەمای رێكەوتنی سیاسی نێوان بزوتنەوەی گۆڕان و یەكێتی نیشتمانی كوردستان،
قۆناغی كۆتایی دروستكردنی ئیئتلافی فراكسیۆنەكانی یەكێتی و گۆڕان تەواو بكەین و، رایبگەیەنین.
بۆ ئەوەی ھەردوولاو، بە ھاوكاری فراكسیۆنەكانی تر، بەیەكەوە كاربكەین بۆ ھەردوو ئەركە
سەرەكیەكەی پەرلەمان، كە یاسا دانان و چاودێرییە
فراكسیۆنی گۆڕان لە پەرلەمانی كوردستان
١٧ / ٨ / ٢٠١٧