بڕیاره‌ ئه‌مڕۆ شاندێکی یه‌كێتی نیشتمانی کوردستان له‌گه‌ڵ هه‌ریه‌ك له‌ كۆمه‌ڵی ئیسلامی و یه‌كگرتووی ئیسلامی كۆببێته‌وه‌.

بە پێی هەواڵێکی ماڵپەڕی فەرمیی یەکێتیی. بڕیاره‌ وه‌فدی یه‌كێتیی نیشتمانیی كوردستان له‌ شاری هه‌ولێر له‌گه‌ڵ هه‌ریه‌ك له‌ كۆمه‌ڵی ئیسلامی و یه‌كگرتووی ئیسلامی له‌باره‌ی پرسی كاراكردنه‌وه‌ی په‌رله‌مان و چاره‌سه‌كردنی كێشه‌كانی هه‌رێم كۆببێته‌وه‌.

سەرچاوەیەک بە ماڵپەڕەکەی وتووە كۆبوونه‌وه‌ی ئه‌مڕۆی یه‌كێتی له‌گه‌ڵ هه‌ریه‌ك له‌ كۆمه‌ڵ و یه‌كگرتوو له‌ زنجیره‌ی ئه‌و هه‌وڵانه‌ی یه‌كێتیی نیشتمانیی كوردستان دێت بۆ كاراكردنه‌وه‌ی په‌رله‌مانی كوردستان و چاره‌سه‌كردنی كێشه‌ی موچه‌و قوتی خه‌ڵك و لێكتر نزیك كردنه‌وه‌ی لایه‌نه‌ سیاسییه‌كان، كه‌ هه‌میشه‌ یه‌كێتیی نیشتمانیی كوردستان هه‌وڵه‌كانی به‌رده‌وام بووه‌ به‌و ئاڕاسته‌ی ئاشته‌وایی سیاسی و یه‌كخستنه‌وه‌ی ماڵی كوردو لێكنه‌ترازانی شیرازه‌ی په‌یوه‌ندییه‌ سیاسییه‌كان له‌ كوردستان.