جێگری فەرماندەی گشتیی ملیشیاكانی حەشدی شەعبی سوپاسی هێزی پێشمەرگەی كوردستان دەكات كە بەرامبەر بەوان تەقەیان نەكردوە.

هادی عامری لە لێدوانێك بۆ بەشی فارسی تۆڕی هەواڵی بی بی سی رایگەیاند: لەكۆنترۆڵ كردنەوەی كەركوك تەنیا لە شوێنێك شەڕێكی بچوك روویدا‌و سوپاسی هێزی پێشمەرگەی كوردستانی كرد كە ئەوان بەرەوڕووی هێزەكانی حەشد نەبوونەوە‌و شەڕیان نەكرد.

عامری وتی: هێزی پێشمەرگە برا‌و دۆست‌و هاوڕێی ئێمەن‌و ئەو كارەی ئەوان "خەیانەت" نیە بەڵكو "ئازایەتییە"‌و هەست بە بەرپرسیارێتی كردنە بەرامبەر بە "رۆڵەكانی عێراق".