ده‌زگای بومه‌له‌رزه‌زانی و که‌شوهه‌وای عێراق بڵاویکردەوە سێ بومه‌له‌رزه ناوه‌ڕاست و باکور و باشوری عێراقی گرته‌وه.
ده‌زگای بومه‌له‌رزه‌زانی و که‌شوهه‌وای عێراق ئاماژه‌ی به‌وه‌کردووه که ئه‌مڕۆ هه‌ینی چه‌ند بومه‌له‌رزه‌یه‌ک له ناوچه جیاجیاکانی عێراق له پارێزگاکانی واست و سلێمانی و دیاله روویانداوه که ئه‌وه‌ی سلێمانی به پله‌ی 2.7 بووه و یه‌کیكێ تریش قه‌زای که‌لاری گرته‌وه به پله‌ی 2.9 .
جه‌خت له‌وه‌شکراوه‌ته‌وه هیچ زه‌ره‌ر و زیانێکی گیانی و ماددی تۆمارنه‌کراوه و سه‌رجه‌م ئه‌و ده‌نگۆیانه‌ش که باس له زه‌ره‌ر و زیان ده‌که‌ن دوورن له راستییه‌وه.
ڕۆژی له 12ى ئه‌م مانگه بوومه‌له‌رزه‌یه‌ك پارێزگاى كرماشان و ناوچه‌ى سه‌رپێڵ زه‌هاوى ڕۆژهه‌ڵاتى كوردستان و باشووری کوردستانی گرتەوە كه گوڕه‌كه‌ى 7.2 پله‌ى ڕێخته‌ر بوو، به‌هۆیه‌وه زیانی گیانی و ماددی زۆری لێکه‌وته‌وه.