بارزانی لەدوا لێدوانیدا جەخت لەخیانەتی باڵێکی یەکێتی دەکاتەوەو دەڵێت" گەلی کوردستان نەشکاوە بەڵکو خیانەتی لێکراوە".
ئەمڕۆ یەکشەممە 26تشرینی دووەم لە سەلاحەدین مەسعود بارزانی لە کۆبوونەوەیەکی حیزبیدا لە پیرمام وتی " ھۆکاری ئەو بارودۆخە ڕیفراندۆم نییە، بەڵکو زۆر لەمێژەیە کە بەغدا نییەتی پەلاماردانی کوردستانی ھەبووە، ڕیفراندۆم ئەنجامیش نەکرابا، پیلان لەدژی کەرکووک ھەر لە ئارادا بوو".
بارزانی لە درێژەی وتەکەیدا وتی " ڕیفراندۆمی بە بڕیارێکی ڕاست و دروستی گەلی کوردستان زانی کە دەبوایە زووتر ئەنجام درابا و بە پیرۆزترین و ڕەواترین دەستکەوتی نیشتمانی و نەتەوەیی گەلی کوردستانی لەقەڵەم دا".
لە درێژەی قسەکانیدا وتیدا "ڕیفراندۆم دەنگی ڕەوا و ئاشتییانەی گەلە و بە ھیچ یاسا و حکوومەتێک ئەو دەنگە ئاشتییانەیە ھەڵناوەشێتەوە، ئەوەی کە کۆسپی بۆ ئەو دەستکەوتە مەزنە دروست کردووە خیانەتی تاقمێک بوو کە پشتیان لەگەلی کوردستان کرد و کەرکووکیان فرۆشت و ڕادەستیان کرد و ئەگەر خیانەتەکەی 16ـی ئۆکتۆبەر نەبا ئێستا گەلی کوردستان لە دۆخێکی تر دا بوو".