ئاوات عەلی سەرۆكی دامەزراوەی میدیایی نالیا پاش دەستگیركردنی بۆ ماوەی چەند كاتژمێرێك ئازاد كرا.
شەوی ڕابردوو كاتژمێر ٧ی هێزێكی ئەمنی هێرشیان كردە سەر كەناڵی ئێن ئاڕ تی و پەخشی كەناڵەكەیان ڕاگرت و تەواوی رۆژنامەنووس و كارمەندەكانیان بۆ ماوەی كاتژمێرێك دەستبەسەر كرد.
هەر ئەوكات ئاوات عەلی لەلایەن هێزەكەوە دەستگیركرا و دواتر لە بنكەی ئاسایشی ئەزمڕ لێكۆڵینەوەی لەگەڵ كرا و ئازاد كرا.
ئەوەش لەكاتێكدایە شەوی ڕابردوو فاروق غەفور، بەڕێوەربەی ئیدارەی نەوەی نوێ بە"سپی" رایگەیاند: ئێوارەی ئەمرۆ هەر كە شاسوار عەبدولواحید سەرۆكی "نەوەی نوێ" گەیشتە فرۆكەخانەی سلێمانی دوو ئۆتۆمبێلی لانگرۆزەر هاتن و رفاندیان.
وتیشی: هاوسەرەكەی كە لەگەشتەكەیدا لەگەڵ شاسوار بووە، هاواری كردوە كە هاوسەرەكەیان رفاندوە.