وەزارەتی خوێندنی باڵا دەرگای دامەزراندنی کردەوە

وەزارەتی خوێندنی باڵا و توێژینەوەی زانستیی حکوومەتی هەرێمی کوردستان هەلێکی کار رادەگەیەنێت و مەرجەکانیشی بڵاودەکاتەوە.


بەپێی راگەیەندراوێکی وەزارەت ئەو کەسەی وەردەگیرێ دەبێتە راگری کۆلێژی زانستە تەندروستییەکانی زانکۆی هەولێری پزیشکی و ئەو کەسانەشی مەرجەکانیان تێدایە دەتوانن CVیەکانیان بۆ ئیمێڵی ([email protected]) بنێرن.

هەروەک وەزارەتی خوێندنی باڵا رایگەیاندووە، دواکات بۆ پێشکەشکردنی CVکان رۆژی پێنجشەممە 18.1.2018ـەیە.

مەرجەکان:

- پێویستە خوازیار ھەڵگری بڕوانامەی دکتۆرا بێت.
- ناونیشانی زانستی لە پرۆفیسۆری یاریدەدەر کەمتر نەبێت.
- خزمەتی زانکۆیی لە (10) ساڵ کەمتر نەبێت.

پێویستە داواکار زمانی ئینگلیزی بە باشی بزانێت و شارەزای بەکارهێنانی کۆمپیوتەر بێت و چانسی زیاتریش بەو کەسانە دەدرێت، کە پلان و بەرنامەیەک بۆ چوار ساڵی دەستبەکاربوونیان لەو پۆستە، دادەنێن.





ئه‌م بابه‌ته 5367 جار خوێنراوه‌ته‌وه‌‌

PM:09:38:13/01/2018